Archivi tag: politica locale

In paise piau a botte

Rileggendo la poesia del post precedente, mi è venuto in mente l’immagine di Taggia come un pugile all’angolo. Taggia è un paese che tutti finora hanno preso a botte. Ma i mugugni non servono a niente. E’ ora di reagire e trovare nuove forze. Così ho scritto questa poesia:
 
Aù che e mesüe i sun rutte
che ne resta e lagrime per ciange
da Beuzì fin lazù inte Grange
dimùu: i n’han piau a botte.

Pe’ anni i l’han picàu,
cume in pugile int’in cantu,
tantu che i l’han quaxi amazau
stu paise d’incantu.

Per primi i specülatui
se sun ocupai de l’Arma
i gh’han lasciau ina bela urma
de palazzi, de pilastri, de urrui.

Pöi i sun arivai in ciaza Eroi.
N’han ditu: Aù scì fiöi,
i sun arivai cheli boi,
tranquili, a ghe semu nui.

L’eia gente che ben parla
de bon nome, in rima cun “perla”,
ma de botte n’han encìu a gerla.
L’è staita in’autra burla:

cae custruie sciu lettu da’ giaia
superattici pi’ assessui,
zentri cummerciali, cimitei
chi se deroca a’ prima féia.

Aù se parla de uspeai,
de rumenta, de bis Aurelia.
L’amu abassau a guardia,
urmai ne tremua zà i pei.

Ai urtimi corpi chi g’han dau
Taggia l’è cazua au tapeu,
e repiase l’è cuscì düu,
l’arbitru za u conta pu’ knock out.

Ma prima cu arive u dexe,
taggiaschi miamuse in ti oiji,
criamu, famu sentì a nostra vüxe.
Perchè gh’è ina Taggia che nu ti vei,

gianca, negra, gialla e russa
növa, in po’ de tutti i cüui,
ca l’ha drente ina forsa
da tià corpi cume Cassius Clay.

4 commenti

Archiviato in ZirichilTaggia