Cavalli? Anzi ANZI

Salta ai commenti

Riporto qui una poesia che sta circolando un questi giorni a Taggia. L’autore è anonimo. E’ fortemente critica nei confronti dell’attuale amministrazione comunale.
Con questo post non voglio emettere alcun giudizio sull’operato del sindaco Genduso, ma dare atto che, cambiano i tempi e le amministrazioni, ma il dialetto taggiasco è ancora vivo e si fa sentire.

Cavalli? Anzi ANZI

Che bell’omu, che purtamentu,
u l’è per tüti u rifeimentu
u l’è intelligente, cun tüti u s’aven
e peui ti viesci cume u balla ben!

U l’è u fiu du veiu segretaiu,
l’avei capiu da chi u l’ha impaau u sillabaiu.
Certu in cumune u ghe sta propriu ben
U l’è u primu che u nu fa nien

Se in municipiu ti vai, mancu ti u vei,
ti devi savé che u l’ha delegau i soi tiapei,
in sustanza u l’è in scindacu incompetente
u balla, u parla e u scrive e ne decide mai niente.

I disce che u l’è i valente psicologu,
ma se l’han messu lì perché u fa comudu!
Se a velu cun urgenza ti devi parlà
pagandu in tu so studio ti devi alua andà.

Se in cumune ti veui parlaghe
i toi ragguagli a  segretaia daghe,
ti vieai che ela te daà, senza spese,
l’appuntamento fra ciü d’in mese.

Se invece ti veui parla ai assessui
L’appuntamentu saà fra in mese o dui.

Che belu paise u l’è Taggia,
ma a cosa che ciü a fa ragia
i l’han rifurmau i uai di ufizi
e per fa viè chi nu sun buzi

i l’han pensau de tegne i giurni dispai auvertu
mentre ai giurni pari u cumüne u l’è desertu,
cun sti impiegai
darè ai vedri acciatai,

certu, u se sa, i deve tantu pensà
cume a fa passà tuta a giurnà.
In giurnu dispai de bon matin va a fatte fa
In certificatu e a carta d’identità,

piate u nümeu e statene lì
dau cumüne ti sciurtiai a mezzodì.
I sun nuvitae in prigresciun
Tüte purtae da neuva amministraziun,

che pupulaziun marciapà!
i ne daan anche in belu uspeà
e se peui u nu bastasse,
i ne aumenta rementa e tasse.

I aspertui disce a Pruvincia: tüta a rementa purtaia qui
Che da nui u ghe ne sta per cuscì,
a gamu e colle da encì,
e vui turisti vegnì vegnì.

In pochi mesci chi ne cumanda
U l’ha daitu preua de esse in gamba:
A l’amu i travai cumenzai
E i giardinetti mai ciü terminai

Senza marciapè u Già Pantan
Quandu cieuve riturna pantan,
per purè ben cumercià
dau pantan i nan lavau a sanità.

Per peui fa a mesua cena
au lunedì i maoti de bona lena
a pé, ranghezzandu e de bon’ua
all’Arma van a mettisse in cua.

All’Arma peui, per purè fa in po’ de viuìa
p l’han levau u mercau da Ferrovia,
per fa inca cosa che a tüti aggrada
l’ha pensau de purtau intu mezu da strada,

u l’è in modu cume autri per infastidì
chi all’Arma u deve andà de lunedì.

I nostri amministrati, quando i veun ballà
Adessu i van suttu u ricoveu da terza età.

Via Colombo, cume u Pantan, seà serà
e anche lì forsci a gandeemu a ballà
U ghe manca sulu u rizeu (acciottolato)
Per rumpisse e gambe cume u Diu veu;

seea ina nuvità ai assessui da cunei,
in Via San Dalmazzu i l’han za speimentà.

L’aveemu de neuve strade
A gandeemu a passeggiaghe
Cuscì a meteemu e macchine p’a giaia
Vistu che i parcheggi sun ormai cosa raia.

Tüti neuvi travai da desfà e rifà
in modo che a pupulaziun poscie de neuvu pagà.

8 Commenti

Archiviato sotto ZirichilTaggia

Tag: comune di taggia, ponente ligure, provincia di imperia, taggia, valle argentina